وفات العيد

وفات العيد ولا بابى سمع خبطه حنان من ايد

عاتبت الباب جاوبنى الباب وايه فى دا كله شايفه جديد

م طول عمرك حبيب للناس لكن دى الناس تمللى بعيد

بقى منك مافيش فايده

جميع الناس  بقت عايزه اللى منه تفيد

دموعك دى ماحتجبشى مافيش داعى تقول وتعيد

ولا تلجأشى للتنهيد

وأعزالناس قالت مره رحتودع ماتلقى سنيد

ولاحدش حيشعر بيك  دا غير لما تفوح ريحتك لحد رشيد

ولا ينفع ايمان بالله ولا تقوى ولا توحيد

ونا مصدّق  ماهوّ الكون دا مالوش مبدأ

غير الباقى هو الاقوى   ودايم اللى قلبه حديد

وكنت بظن قال انه  جميع الخلق متساوى فى دى الدنيا

ولا بتعرف عبيد ولا سيد

لكن ظنّى خدعنى وخان   واوهامى بقت دخان

لكن حفضل تمللى عنيد

لا م الايام حكش وخاف ولا حتخبى تحت لحاف

ولا يرهبنى التهديد