ياريت ينفع ياسيدى

ياريت ينفع ياسيدى مكتوبى يكون فى ايدى

 ما يكونشى فوق جبينى

لاقول للدنيا عيدى عيدينى لقربه عيدى وكفايه سنين انينى

عيدينى بقربه عيدى ولحد هناك سيبينى  

ياريت ينفع ياسيدى ونا قيدله صوابع ايدى

دا حبيبى اللى بيحيينى وحياتى وهو وحيدى

عيدينى بقربه عيدى   ولحد هناك سيبينى  

لو كان ينفع ياسيدى مكتوبى يكون فى ايدى

ماكتش البسمه تبعد  ولا يوم من فوق شفايفى

ولاكنت اجيب فى سيره غير بس عن الحبيب

والقلب يعيش ويبقى  ابيض لون الحليب

دا حبيبى اللى بيحيينى وحياتى وهو وحيدى

عيدينى بقربه عيدى  ولحد هناك سيبينى  

لوكان ينفع ياسيدى مكتوبى يكون فى ايدى

كنت أأمر يازمانى ما تجيب الحزن تانى

ويغيب من فوق مكانى    دخانك يالهيب

واختار دنيا السعاده والفرحه تبقى عاده

تخلص اطلب زياده ولا عنى يوم تغيب

دا حبيبى اللى بيحيينى وحياتى وهو وحيدى

عيدينى بقربه عيدى  ولحد هناك سيبينى  

لوكان ينفع ياسيدى مكتوبى يكون فى ايدى

لبنى له قلبى منزل  من بكره فيه يعزّل

لو يطلع فيه ما ينزل لو شعره راح يشيب

دا حبيبى اللى بيحيينى وحياتى وهو وحيدى

عيدينى بقربه عيدى  ولحد هناك سيبينى