مدام نسيت حبى ورجعت ماتميللى
قوللى مفارق قول ليه تمشى ماتقوللى
ولو انى ما قدرشى ع البعد لو ميللى
انا ح ارضى بالمقسوم كان حلو ولا هموم
لكن مسيرك يوم ترجع وحتقوللى
ياهل السماح مظلوم وردى اهو وفلّى
يكفى يادمع العين الجرى فوق الخد
نارك حتكوى العين مش راح يفيدك حد
عيشى واتهنى سيبى اللى باع منسى
حيفيد بايه دمعى ما يضر غير نفسى
مايرجّع اللى يروح مايخفف المجروح
لكن مسيرك يوم ترجع وحتقوللى
ياهل السماح مظلوم وردى اهو وفلّى
يا دموعى م تقلّى ايه يعنى فات خلّى
ما تخلّى افكارى تشعل لهيب نارى
ما حال فى يوم دايم مهما بيحصللى
قوللى مفارق قول وشويه او على طول
انا ح ارضى بالمقسوم كان حلو ولا هموم
لكن مسيرك يوم ترجع وحتقوللى
ياهل السماح مظلوم وردى اهو وفلّى
دمعك ياعينى حرام على مين ما صانشى غرام
تبكيه وليه تبكيه لازم قوام تنسيه
وفوتيه مع اللى فات دا الحب عنده كلام
ادّا العهود ميات والوعد
بالاكوام
وف اول المشوار باعنا بارخص سوم
انا ح ارضى بالمقسوم كان حلو ولاّ هموم
لكن مسيرك يوم ترجع وحتقوللى
ياهل السماح مظلوم وردى اهو وفلّى
مدام انت نويت ع الهجر واتعلمتلنا الغدر
طب ليه بتعلم ليه ياحبيبى لقلبى الصبر
راح يصبر بقى على ايه والفرقه قدر وعليه
يقاسيها لاخر العمر
خلتنى تملّى اكون مخلص وامين وحنون
ولا هاين حبى عليك ولا حبك عندى يهون
ايه غير حالك ايه وبدأت الهجران ليه
وقلبت الوصل بعاد ايه جد ياواد فى الامر؟
راح يصبر بقى على ايه والفرقه قدر وعليه
يقاسيها لاخر العمر
بتخلينى ابقى صبور وتسيبنى سنين مهجور
لو كان فى الصبر نتيجه يبقى الحرمان مقدور
ايه غير حالك ايه وبدأت الهجران ليه
وقلبت الوصل بعاد ايه جد ياواد فى الامر؟
راح يصبر بقى على ايه والفرقه قدر وعليه
يقاسيها لاخر العمر
ليست هناك تعليقات:
إرسال تعليق