بذمتك
طول حياتى معاك ياخلى
شفت اهه طالعه منى شايله قسوه بالمرار ده ؟
بذمتك
طول وجودى معاك ياخلى
شفت وشى وهو شاحب زى ماشفته النهارده ؟
بذمتك
طول ما عشت معاك ياخلى شفت دمعى وهو
نازل فوق خدودى وهى بارده ؟
كنتى زمان زى الليلادى
فى اكتوبر
فى تشرين
فى ليله اربعه وعشرين
على الساعه تناشر كدا
والناس نيام
وكله تمام
ترنيلى جرس تيليفون
ماكان لسه ظهر فودافون
يقول صوتك مساء الخير
يعود ليام عليك بالخير
وشوفك اسعد السعداء
وكل الناس معاك حلوين
ما فيش كارهين ولا اعداء
ماشفتش حد بيقولها
غيرك انتى
مافيش ولا حد فاكرنى
غيرك انتى
ياكل الناس ياأقرب حد
كان ليا
يااحلى الناس ياحضنانى بحنيه
لكن حبك بقى ذكرى
وخليتى المياه عكره
ومين حيقولها من تانى
لوالموعد بقى بكره ؟؟؟؟؟
ليست هناك تعليقات:
إرسال تعليق