وبتبعد عنى وتفوتنى لظنّى

وبتبعد عنى وتفوتنى لظنّى 

وانا ماقدرشى على بعدك يوم

دا القلب معاك عاش متهنى ولا فكّرشى حتفوته ف يوم

وازاى حقدر يوم على بعدك دا انت النور للعين وجفونها

هى الدنيا دى ايه من بعدك انت الروح ولا احيا بدونها   

عشت حياتى وانت معايا ظل ف ارضى ونور فى سمايا

مين فى الدنيا دى غيرك ليا   يامدوبنى معاك حنيه

عمرى ف يوم ما عرفتش غيرك ولا ايامى عرفت امانها

الا بقربك منّى ياروحى ياللى شفيت لى كل جروحى

لو حيطول بعدك ويدوم  والقى الوحده قدر مقسوم

حقضى حياتى عذاب وهموم  والقى الدنيا اتغير لونها

وازاى حقدر يوم على بعدك دا انت النور للعين وجفونها

هى الدنيا دى ايه من بعدك انت الروح ولا احيا بدونها  

ياللى عيونى شفوك اتهنو  من انغامك فرحو وغنو

انت هديه بعتها زمانى  لو يوم جيتنى راح تلقانى

عايشه ف سعد ما عمروش جانى والايام عطيانى حنانها

قلبى دا قبلك عاش محروم عمرى ما دقت السعد ف يوم

قبل ما شفتك ياما اسيت  كتر الم وعذاب وهموم

من احلامك قلبى يغير  خايفه تشوفك عين الغير

خايفه عيونهم تيجى ف حلمك تبقى عيونى الله ف عونها

وازاى حقدر يوم على بعدك دا انت النور للعين وجفونها

هى الدنيا دى ايه من بعدك انت الروح ولا احيا بدونها 

 

سنين ادى وكان ودى يكون قلبك  على ادى

حنون وبسيط   ماهش مغرور مادام ياخد لازم يدى

يكون حبك  بطول عمرى ماهش لحظات وحتعدى

 

يوم م تبطل طبع الغدر   وحياه حبك لاعمل ندر

يومها افرق لحمه وعيش فى الاستاد واملاه بالجيش

واجرى اتصور مع زكى بدر واطلع وحدى ف قلب الكادر

يوم م تبطل طبع الغدر