ياشاغله فؤادى ب حبك بحبك
ومكتوب عليا اقاسى هواكى
وياما قابلنى بنات احلى منك ولكن عنيّا ما تعشق
سواكى
عشان انتى حلوه الحلاوه الطبيعى
بدون اى صبغه ولا اى زيف
وويا ابتسامتك يزهر ربيعى ويخضر زرعى فى عز الخريف
واسمع كلامك بيحلو يومى وبيزيد جماله وبيفوت لطيف
دى بصه ف عنيكى تنسى الوجود
ورمشك بيدبح ولا احمى سيف
عشقت النسيم اللى جاى من قصادك
ولحظه لقاكى بقت عندى كيف
بحلف عيونك باحلى الليالى ماتنسى هوايا شتا ولا صيف
ولو جيتى يوم وانشغلتى بغيرى
سبينى اعيش جوه قلبك كضيف
لانك ياروحى هوايا ونسيمى وبعدك عليا حيبقى مخيف
اظن يعنى كدا كفايه ايوه كفايه ايوه كفايه
آن الاوان بقى نتفارق وكل واحد فى طريقه
احط لعذابى نهايه اى نهايه اى نهايه
وانقص العشاق عاشق ضحا بهناه لجل عشيقه
ياللى زمان كنت بحبك وكان هواك هو منايا
خلاص ماعدت بقى بتهوى خلقت لغرامنا نهايه
ضحكنا اخرضحكايه وبكينا اخر دمعايا
خلاص ما فيش بنا حكايه ولا عادش ليك حاجه معايا
وشايفه ان كدا كفايه آن الاوان بقى نتفارق
وكل واحد فى طريقه احط لعذابى نهايه
وانقص العشاق عاشق ضحا بهناه لجل عشيقه
دنيا الغرام دنيا ما تسوى تحياها كدا زى ما هى
بتعيشك ساعه القسوه وتعيشك ثانيه هنيه
تتوهك سنه فى همومها تديك دقيقه الحنيه
والعشق له اهله وناسه يستحملوه مهما يقاسو
لكنىّ مش حمل عذابه ولا قد ناره وحروقه
وشايفه ان كدا كفايه آن الاوان بقى نتفارق
وكل واحد فى طريقه احط لعذابى نهايه
وانقص العشاق عاشق ضحا بهناه لجل عشيقه
ماعادش فيه بنا حكايه ولا ضحكايه ولادمعايه
لاعدت فاهم ولا عارف لا انت عليا ولا معايا
عنيك بتنهى اللى ما بنا واديك بتطفى الشمعايه
ونوم عيونى خلاص فارق و قلبى راح منه بريقه
ياريت بقى لو نتفارق وكل واحد فى طريقه
تعبت من كتر عمايلك وياما جيت لجل احايلك
عيونى بتعاتب فيا وبيلومونى وا نا جايلك
يقولوا نابك ايه منه ياريته كان ف العين شايلك
دانوم عيونى خلاص فارق ولسانى مش طايل ريقه
ياريت بقى لو نتفارق وكل واحد فى طريقه
ليست هناك تعليقات:
إرسال تعليق