نص كلامك

نص كلامك لوم وعتاب

نصه التانى شجن وعذاب

يبقى احبك بس ازاى  ولا اتمسك بيك على ايه

ضيف على كدا انك كداب دحلاب قلاب
 وبتتصنت ع الابواب

بصاص هجاص قماص ولا تعرف معنى الاخلاص

غدار مكار نكار  وعنيك دول  حفنه اشرار

بكاش نتاش حشاش وبقيت عندى ولا بتسواش

انا لو اقولك انا حباك يبقى خدعتك  يبقى بغشك

وعشان ماشيه انا وسيباك جيت وحقولها يا قاسى
ف وشك

داانت ما تعرف تسعد قلب ولابتهنى
 معاك احباب

ممكن نفضل كدا اصحاب ابقى فعشى وانت
ف عشك

علشان بنا العشره تدوم ولا ترجعش
عليا تلوم

ممكن نفضل كدا اصحاب  ولا تملاشى
 سمانا غيوم

انا محتاج ياحبيبى لقلب  اقضى العمر معاه ف هنا

انا محتاج حنيه وقرب مش محتاج لعذاب وضنا

اللى قضيته معاك كان مر مش بحسبه فى ليالى العمر

عمرى ما دقت سعاده معاك  ولاشفتش وياك م يسر

واللى مصبر قلبى شويه  انه خلاص اهو عدى ومر

انا لو اقولك لسه بحبك  يبقى خدعتك يبقى بغشك

وابقى بقيت زيك كداب علشان كدا راحقولها ف وشك

داانت ما تعرف تسعد قلب ولا بتهنى  معاك احباب

ممكن نفضل كدا اصحاب  ابقى ف عشى

وانت ف عشك

ما تطلبيش منى حاجه

مالتقتشى فيكى حاجه  تخلى بيكى الروح تحس

شوقى كان مالوش وجود  ونبض قلبك ماله حس

ممكن ابقالك صديق..يادوب صديق..

صديق وبس

اكتشفت فى كل شىء  كان بيجمعنا اختلاف

شفت نفسى ويا قلب لو فرح  يرجع يخاف

التقيت قلبى قلق قلت احسن نفترق

بدل ما يجرحنا الخلاف

ماقدرش اكمل ف الخداع وييجى يوم وتقولى باع

احسن لنا  لو نفترق  مادمنا قادرين ع الوداع

شوقى كان مالوش وجود ونبض قلبك ماله حس

ممكن ابقالك صديق.. ايوه صديق..

صديق وبس

ماتطلبيش منى اكمل مش ح اقدر اصبر واتحمل

واكدب عليكى كل يوم واقول بسهّّراعد فى النجوم

مادام بقى قلبى قلق فيبقى لازم نفترق

ما دمنا لسه بنبتدى مادام ماجمعناش هوى

نبعد بروحنا م الوجع  بدل مانسأل عن دوا

لا نتصدم  ولانتفجع  ولانتظلم بعدين سوى

شوقى كان مالوش وجود

ونبض قلبك ماله حس

ممكن ابقالك صديق.. ايوه صديق..

صديق وبس