افتكر واظن يعنى بعد ما قلبك خدعنى
وفاتنى للايام تبعنى مايصح تتكلم ع الود
تاه طريق الابتسامه عمرى ضاع وياك ندامه
واللى شفته معاك دا ياما تعالى احسب لك وعد
وفيت اليك اخلصت لك وفرشت حواليك النجوم
والقلب كان بيدق لك احلى نغم فى كل يوم
مارضيت بهمّى احملك وشلت عنك الهموم
واكمن قلبى رق لك كسيت سمايا بالغيوم
تاه طريق الابتسامه عمرى ضاع وياك ندامه
واللى شفته معاك دا ياما تعالى احسب لك وعد
وعشان بحبك ياعيونى قيدت ليك صوابعى شمع
هان عليا الليل بطولو والسهر بقى عندى طبع
وكتبت اسمك جوه قلبى وطبعت صورتك فوقع طبع
لكن جزائى اللى جنيته بكيت عنيه الصابره دمع
تاه طريق الابتسامه عمرى ضاع وياك ندامه
واللى شفته معاك دا ياما تعالى احسب لك وعد
مره واحده فيها غلطه اكيد ما حسيتش انت بيها
كات عنيه صاحيه صدفه والنوم ما كان عايز يجيها
ومّا جت نعست شويه جه خيالك مال عليّا
بيداعبها ويحايلها ويلاغيها ويقول كلام م الحلو ليها
قال بحبك ياكل عمرى وكلام كتير ناسياه انا
من حلاوته غريب عليّا ماسمعتهوش من كام سنه
لكن صحيت وياريت ما قمت ولا انكويت ولا انصدمت
تاه طريق الابتسامه عمرى ضاع وياك ندامه
واللى شفته معاك دا ياما تعالى احسب لك وعد
ليست هناك تعليقات:
إرسال تعليق