حبيبى البعد طال بـنّا

حبيبى البعد طال بـنّا  وطول البعد قسوه وويل

واهل   العشق طالبـنّا   نشوف للبعد اى بديـل

ياريت تسمع نصايحهم  وعلى ودك تورّى دليـل

ونقضى ليله فى ريحهم  حتلقى الليل دا غير الليل

حبيبى الغيبه ليه طالت  ماكفاكشى غياب  وبعاد

مافيش قسوه كدا زادت  مافيش فرقه ماليها  ميعاد

دا اهل العشق طالـبنّا نشوف للبعد اى بديـل

ياريت تسمع نصايحهم وعلى ودك تورّى دليـل

ونقضى ليله فى ريحهم  حتلقى الليل دا غير الليل

معلش ياروحى 

ان كنت مشيت ولا قولتش لك ياحبيبى وداع

مش معنى كدا انا بعت هواك دا هوى الغاليين عمره ما يتباع

والحب اللى مشيت بيك خطاويه ما تخفش عليه من اى ضياع

انا مش بنساك ولا يوم حنساك وازاى انساك ونا روحى وياك

لانا دقت غرام ولا عشت هوى زى اللى انا عشته فى دنيا هواك

ولا فاتش فى عمرى ليالى هنا غير بس اللى انا قضتها معاك

ولا غيرك حد شغل بالى ولا قلبى عشق من يوم م لقاك

والحب اللى مشيت بيك خطاويه ما تخفش عليه من اى ضياع

انا عمرى ما هان يوم عندى هواك دا هوى الغاليين عمره ما يتباع

غيّبت عليك فى سؤالى عليك  طوّلت عليك فى سهر لياليك

مش قصدى ياروح الروح اجافيك ولا كان على بالى اعذب فيك

ولا معنى كدا انا بعت هواك دا هوى الغاليين عمره ما يتباع

والحب اللى مشيت بيك خطاويه ما تخفش عليه من اى ضياع

ياما بحت وقلت ياضى العين انا زى ما وعدت وعند الوعد

علشان انا دوبت ف اجمل عين اخدونى طريق الهنا والسعد

وتمللى بقول ياوحيد ع البال ماتخافشى بعادى عليك لوطال

دا الحب اللى مشيت بيك خطاويه ما تخفش عليه من اى ضياع

انا عمرى ما هان يوم عندى هواك دا هوى الغاليين عمره ما يتباع

انا زيك واكتر مشتاقه وليالى البعد بقضّيها

على امل ان احنا حنتلاقى وتعود المايه لمجاريها

ونشوف الدنيا الفراقه من تانى بتضحك لياليها

ونلاقى الفرقه بقت ذكرى بنفكر بعض اليوم بيها

دا الحب اللى مشيت بيك خطاويه ما تخفش عليه من اى ضياع

انا عمرى ما هان يوم عندى هواك دا هوى الغاليين عمره ما يتباع 

ياما فيك يازمان احباب عاشو اغراب ويعاد بينهم هوه

وليالى بعادهم ولا حاشو    الحب يعيش ويزيد قوه

والصوره الحلوه لدنيتهم   رسمتها قلوبهم من جوه

ون طال ياحبيبى سؤالى عليك اطمن عمرى ما حنسا عنيك

ولا معنى كدا انا بعت هواك دا هوى الغليين عمره ما يتباع

و الحب اللى مشيت بيك خطاويه ما تخفش عليه من اى ضياع