اروح لمين بعدك والاقى فين سعدك
كان عندى شىْ مألوف تسأل وتيجى تشوف
دلوقتى مالى الخوف قلبى لطول بعدك
دلوقتى مالى الخوف قلبى لطول بعدك
من يوم م مشيتو وسيبتونا ودموع العين ما يفارقونا
نزلوم من قبل م نبكيهم وعلى الخدين كانو سبقونا
والفرّح العايش جوانا اتبدل حزن بيألمنا
والدنيا اللى عطتنا منانا وف ظل نعيمها اتنعمنا
اخدت ما سابتشى حاجه لينا ظلمت ما بقتشى تهنينا
وغرقنا وقدامنا المينا
راح نبكى لمين ونقول ونعيد دى الشكوى انين وبايه حتفيد
من يوم م غيابكم دا اذانا بنقضى اليوم كله حزانا
والضحكه اللى بنسعد بيها وحشانى الضحكه الرنانه
نستنى كلامكم ما واسانا عايشين على كلمه اه يانا
حتى الدمعه قاسيه علينا لما عطشنا ما بتروينا
حتى الشوق اللى مالينا ساب النار تحرق فينا
ورضينا بالهم وما شكينا ما رضاش الهم كمان بينا
والفرّح الساكن ف عنينا اتحول دمع بيألمنا
والحزن العايش جوانا زاد لما نسيتوم ايامنا
والهنا والسعد اللى مالينا راح وانتو بعيد من قدامنا
