بعدوك عنىّ

 

بعدوك عنىّ   وخدوك منىّ   ونسيت الوعد الغالى اياه

ولا قولتش لا ولا قولتش اه ولا قولت سيبونى شويه معاه

ومشيت من غير لاوداع تهديه ولا حتى سلام ولا اى كلام

وهواك يا أمير اهو ضاع وتريه كان حلم وفات زى الاحلام

ان كنت خلاص صممت خلاص عاهجر وهدم اللى بنبنيه

وطاوعت الناس وكلام الناس ولا همك بعدك ايه حعانيه

اهجرنى وفوت بس ارجع قول 

وبكل صراحه عن اللى جانيه

ولوانى عرفت بدون ماتقول راح تجنى سهر وعذاب والام

داهواك يا أمير اهو ضاع وتريه كان حلم وفات زى الاحلام

يرضيك ياحبيبى البرج العالى المبنى بسهدى ونار الدمعه

فى ثوانى تهدّه بايدك انت    وكأن اديك بتسيّح شمعه

ع العين والراس ع العين والراس

مدام انت سمعت كلام الناس

ع العين والراس ع العين والراس 

مدام انت نويت ع البعد خلاص

ومسيرك تتمنانى معاك  ومسيرك تترجى الايام

داهواك يا أمير اهو ضاع وتريه كان حلم وفات زى الاحلام

اعملك ايه وازاى اراضيك  دنا ياما عملت كتير وكتير

خضّرت الارض بدمع العين وفرشت الكون حواليك بحرير

اعمل اكتر من كدا ايه  ورينى وقول ونا ابدأ فيه

وحقولك ايه دا مافيش تعبير احترت معاك مش لاقيه كلام

داهواك يا أمير اهو ضاع وتريه كان حلم وفات زى الاحلام

م السبت لما لتانى سبت استنى فيك ما جيت سألت

ياللى خلفت لما وعدت ياللى هجرت وسنين بعدت

ياللى مشيت ولا رجعت

طب ايه جنيت طب ايه كسبت ؟

سنين ونا احوش بكا عينى عشان خايفه يشوفه عزول

لكن دمعى فضل يجرى على خدى ما بطّلشى فى لحظه نزول

وحزن الهجر ما بيخلص وهم البعد من قلبى ما راضى يزول 

واضطريت اغيب وارحل وسبت مكانى من بعدك ونا مخزول 

ابعتيلى يوم قوليلى جايّه ولاّ مانتى جايّه
ماتزيديشى نار انينى    وكفيايا اللى بيّا
ما تغيبيشى لتلاقينى نارى ولعت تانى فياّ

دا انتى فرحه دنيتى  دا انتى شمعه ضلمتى

القى مين بعدك انيسى ف وحدتى ؟

القى مين غيرك رفيقى ف سكتى ؟

ابعتى وقولى ايوا جايه  وكفياكى بعاد وفرقه

ما تزيديشى الاسوه ديّه قلبى مش محتاج لحرقه