ياللى قطّعت الكلام الحلو بنا ولسّه فيه عمال ترمّى
ياللى حبك رغم بعدك لسه جارى ف قلب دمّى
نفسى ترجع ياحبيبى لجل ارسى وانسى همّى
ياللى قلبك كان انيسى ف وحدتى لما بيزيد بيا شوقى
كان بيخطف لى الهنا من ايد زمانى ويقوللى دوقى
ليه يودّيك الغياب ابعد طريق ما اعرفش اجيه
كنت عندى احلى شىء ماقدرشى اوصف كنت ايه
ياللى حبك رغم بعدك لسه جارى ف قلب دمّى
نفسى ترجع ياحبيبى لجل ارسى وانسى همّى
خايفه الطريق يطول واتوه مااعرف اعود تانى المكان
خايفه الام تقابلنى فيه بعدين تضيع دنيا الامان
ياللى حبك رغم بعدك لسه جارى ف قلب دمّى
نفسى ترجع ياحبيبى لجل ارسى وانسى همّى
حبيبى ان كنت ناسى ذكرى ايامى الاليمه
واللى فيها من مأسى هات دفاترك القديمه
كل صفحه مبللاها دمعه من خد اتحرق
من اسوتك اللى كانت سايبه بقعه ع الورق
ومّا زاد الغدر بيا باش ورقها ف الغرق
يافايت لى القلب جريح ومخلى الشوق مش
واصل
خليك ياحبيبى صريح واحكيلى وقول ع الحاصل
بتدوّر عنى صحيح او يعنى تحصيل حاصل
رجّع اشواقك ليا يا ساقينى عذاب واسيه
نسّيت قلبى الحنيه وخلقت مابنا فواصل
يامعيّش قلبى عليل انا راضى باى قليل
وصبرت كتير وقليل وبقيت مش قادر اواصل
ليست هناك تعليقات:
إرسال تعليق